La Vigna
L’aument das temperadures e i periodos secs prolungjâts a stan spostant viers nord e in cuote las zones di coltivazion dal vin in dut il mont.
Tra il comprensori dal Zoncolan e il flum “Bût”, ta “Taviele” di Sudri, a son stades cjatades las condizions di teren e clime ideâl pal svilup da varietât di uve da vin “Solaris”, che a complete la madurazion das uves al inizi di Setembar.
La diference significative di temperadure tra il dì e la not tal timp di pre-madurazion a favorìs un svilup significatîf dai aromis e il mantegniment da frescjece fintremai al cjaliç.
La noste vigne di cirche un etar di ue “Solaris”, a è contornade di piçui orts di famee, prâts e boscs. I filârs a si cjatin tal mieç da valade cun orientament est-ovest par podei vei une plui grande esposizion al soreli.
Il sisteme unilaterâl di alevament “Guyot” nus permet di vei une produzion di pôcs chilos di uve par plante, ideâl par otegni un vin di cualitât.
In gracie da naturâl resistence di “Solaris” as malaties dai foncs e dal nosti concentrâsi su la prestazion vegetâl-produtive otimâl, al è pussibil sielzi une agriculture sostenibil doprant metodos biologjics tal rispiet dal delicat ecuilibri tal ambient cjargnel.
